মিয়ানমার : সিবেইমাপু সরকারগর বিরুদ্ধে লালফামে আকদিনে ৩৯গ মরলা
1 min read![](http://pouri.org/wp-content/uploads/2021/03/mandalay-1024x593.png)
মন্ডলয় শহরগরমা লালফামীয়ে গুলাল পুলিশরে হিল কাপ্পরতারা । ছবি - রয়টার্স
সিবেইমাপু সরকারগর বিরুদ্ধে লালফামহান চলিসেতা বাক্কা কতদিল ইল অতার মা হারিদিন ইমে লালফামী মরতারা, আজিকাতে জ্বি য়ৌপা দিনে ৩৯গ মানু সিবেইর গুলিত মরলা। পুলিশর লগে দেশহানর নানান শহররমা লালফামী ফাঙনা অসি।
বার্তা সংস্থা রয়টার্সর পৌ আহাত্ত হারপিলাঙ, লামুইসিঙর দিনে হুদ্দা হ্লাইংথায়ায় বুলতারা শিল্পশহর অগত ২২গ লালফামী মরেসি। অতা বুলতেউ দেশহার আর আর শহরে পুলিশ বাহিনীর আতে মরলাতা ১৬ গ। লালফামীর লগে মারামারিত হুদ্দা পুলিশগ আকগ মরেসে।
দেশহার সিবেইয়ে চালিতারা টেলিভিশনর পৌ মাতলাতা, শিল্পশহর হ্লাইংথায়ায়ত চারিগ গার্মেন্টসর কারখানা বারো আগ সারর কারখানাত জ্বি লাগাদিয়াসি বুলিয়া। জ্বি লিভানিরকা ফায়ার সার্ভিসর গাড়ি আহিসে অতারে লালাফামীয়ে থেপ করিয়া থসি। দিলিশিঙর চুৱা লালাফামীয়ে ফায়ার সার্ভিসর পথহান থেপকরিসি বুলিয়া।
Source: https://www.reuters.com/article/us-myanmar-politics-idUSKBN2B602C