বাংলাদেশর নাংকরা সাংবাদিক মিজানুর রহমান খান মরানিয়ে পৌরির শোক

বাংলাদেশর নাংকরা ডাঙরিয়া সাংবাদিক মিজানুর রহমান খান গেলগা ১১ জানুৱারী ২০২১ সেন্ধা ৬টা ৫ মিনিটে ইহজগৎ বেলিয়া পরপারে গেলগা। তার মৃত্যুত পৌরি গভীর শোক বারো বিদেহীর শান্তি কামনা করতারা লগে তার পরিবাররাং আমার সমবেদনা।

মিজানুর রহমান খান করোনাভাইরাসে আক্রান্ত ইসিল আরো অহানর পরীক্ষারকা হাসপাতালে গিয়াসিলগাগ ২ ডিসেম্বর। রিপোর্টহাত করোনা পজিটিভ আহাসিল আরো তা গেলগা ৫ ডিসেম্বর গণস্বাস্থ্য নগর হাসপাতালে ভর্তি ইসিল। অহাত্ত সমস্যাহান আরাকউ জবর অনাই গেলগা ১০ ডিসেম্বর তারে ঢাকার মহাখালীর ইউনিভার্সেল মেডিকেল কলেজ হাসপাতালে ভর্তি করলা বারো ইমে অহাত চিকিৎসা চলেরগ। গারিগর অবস্থাহান আরাকউ বেসেপ ইল আরো মাদানে তারে লাইফ সাপোর্টে নিলাগা। অতার পিসে তারে সেন্ধা ৬টা ৫ মিনিটে মরিল বুলয়া চিকিৎসাত আসিল ডাক্তর অতাই মাতলা।

সাংবাদিক মিজানুর রহমান খান ১৯৬৭ ইংরেজীর ৩১ অক্টোবর ঝালকাঠির নলছিটি গাঙে উজ্জিসিল। তা বরিশালর ব্রজমোহন (বিএম) কলেজত্ত হিসাববিজ্ঞানল স্নাতকোত্তর ডিগ্রি লমকরিসিল ১৯৮৮ ইংরেজী। নংসাংদিন দরিয়া সাংবাদিকতা করের মিজানুর রহমান খান ১৯৯৯ ত্ত ২০০৪ ইংরেজী পেয়া যুগান্তর পত্রিকাত বারো অতার পিসে সমকাল পত্রিকাত উপসম্পাদক ইয়া কাম করল। হাব্বির পিছে প্রথম আলো পত্রিকাত ২০০৫ সালর ১ নভেম্বরেত্ত মরানি পেয়া উপ-সম্পাদকগ আসিল।

ছবি বারো পৌ: প্রথম আলো